Consolatio Choir (Indonesia)
Sumatrako Medango unibertsitate ikasleek sortutako korua da, eta kalitatezko maila dute. Besteak beste, Grazen (Austria) bi domina jaso zituzten 2017an.
![](https://ataria.tok-md.com/argazkiak/aXj/cache/CORO_GAOS_tokikom_700x700.jpg)
Coro Gaos (Espainia)
Izen bereko orkestratik sortutako proiektua da, eta a capellamusika eta musika sinfonikoa lantzen dituzte. Hainbat sariren jabe dira, 2010ean hasi zirenetik.
![](https://ataria.tok-md.com/argazkiak/ChD/cache/AURUM_tokikom_700x700.jpg)
Aurum (Espainia)
Harrobiaren fruitua da ganbera abesbatza, eta soinuaren kalitatea bilatzea da emakume ahots hauen helburua. 2014an polifonia-fokloreko 3. saria jaso zuten Tolosan.
![](https://ataria.tok-md.com/argazkiak/spR/cache/COLLEGIUM_MUSICUM_BERLIN_C_tokikom_700x700.jpg)
Collegium Musicum Berlin (Alemania)
Berlingo ganbera abesbatza hau 1989an sortu zuten, eta hainbat sari irabazitakoa da, batez ere, a capellaabestuz. Donka Miteva da zuzendaria.
![](https://ataria.tok-md.com/argazkiak/IMj/cache/MIXED_CHOIR_PA_SAULEI__LET_tokikom_700x700.jpg)
Mixed Choir Pa Saulei (Letonia)
2009an sortua, Letoniako koru sortzaileena da. 2014ko Internationaler Robert Schumann Chorwettbewerb & Festival-eko sari nagusia dute lorpen handiena.
![](https://ataria.tok-md.com/argazkiak/XNy/cache/JCA_NATIONAL_YOUTH_CHOIR___tokikom_700x700.jpg)
JCA National Youth Choir (Japonia)
Gazteentzako abesbatzen udalekuetatik sortutako taldea da, eta Japonia osoko abeslariak daude. Errepertorio zabala eta teknika ezin hobea dituzte.
![](https://ataria.tok-md.com/argazkiak/wnO/cache/SWARA__BELGIKA__tokikom_700x700.jpg)
Swara (Belgika)
AHOTS TALDEA. Bruselan du jatorria, eta abeslari profesionalak dira, musika garaikidea eginez. Beren ahots tinbre bereziengatik aukeratu dituzte lehiarako.
![](https://ataria.tok-md.com/argazkiak/bVb/cache/M_NNERSTIMMEN_BASEL__SUITZ_tokikom_700x700.jpg)
Männerstimmen Basel (Suitza)
Beren herrialdeko eta nazioarteko epaimahaiak txundituta utzi izan dituzte. 18-32 urteko gizonezkoz osatutako abesbatza da, eta horrek ere berezi egiten ditu.
![](https://ataria.tok-md.com/argazkiak/fmz/cache/441_HZ_GANBERA_ABESBATZA___tokikom_700x700.jpg)
441 Hz ganbera abesbatza (Polonia)
Gdansk musika akademiako ikasleek sustatutako korua, Poloniako laudorioztatuena da. Erosotasun gunetik irten, eta diziplina arteko lanak egin ohi dituzte.
![](https://ataria.tok-md.com/argazkiak/xnC/cache/THE_KORRIGAN_CONSORT__ERRE_tokikom_700x700.jpg)
The Korrigan Consort (Erresuma Batua)
AHOTS TALDEA. Oxford-en dute egoitza, eta antzinako eta egungo musikaren ikuspegi esperimentalak lantzen dituzte. Bost kide ariko dira Tolosan.
![](https://ataria.tok-md.com/argazkiak/rBK/cache/ART_N_VOICES_VOCAL_ENSEMBL_tokikom_700x700.jpg)
Art'n Voices vocal ensemble (Polonia)
AHOTS TALDEA. Erdi Arotik aro garaikidera bitarteko musika lantzen dute, eta azken bost urteotan bederatzi sari nagusi jaso dituzte Europan.
![](https://ataria.tok-md.com/argazkiak/QWX/cache/VOCAL_GROUP_ERA__LETONIA__tokikom_700x700.jpg)
Vocal Group ERA (Letonia)
AHOTS TALDEA. Hamar urteko ibilbidea osatu dute 6 emakumeek, eta Letoniako ahots talde ezagunenetarikoa da. 2012. urtetik hona hainbat sari jaso dituzte.
![](https://ataria.tok-md.com/argazkiak/MRx/cache/BATAVIA_MADRIGAL_SINGERS___tokikom_700x700.jpg)
Batavia Madrigal Singers (Indonesia)
Indonesiako koru misto onenetakoa, eta Tolosako lehiaketan aski ezaguna: 2017an, sari nagusia irabazi zuten, eta Europako Sari Nagusian lehiatu den koru indonesiar bakarra dira.
![](https://ataria.tok-md.com/argazkiak/UYi/cache/BEL_CANTO_CHOIR_VILNIUS__L_tokikom_700x700.jpg)
Bel Canto Choir Vilnius (Lituania)
2009an sortutako taldea, Lituaniako abesbatza misto ez profesionaletan onena da. 2014ko udan munduko abesbatza onenen klubera batu, eta 90,63 punturekin urrezko domina lortu zuten.
![](https://ataria.tok-md.com/argazkiak/hWZ/cache/GEMA_SANGKAKALA__INDONESIA_tokikom_700x700.jpg)
Gema Sangkakala (Indonesia)
AHOTS TALDEA. Indonesiako emakume abesbatza onenetarikoa da, 16 kidez osatua, eta emaitza bikainak lortu izan dituzte, bai Indonesian, bai nazioartean.
![](https://ataria.tok-md.com/argazkiak/cit/cache/GLIER_INSTITUTE_OF_MUSIC_V_tokikom_700x700.jpg)
Glier Institute of Music Vocal Group (Ukraina)
AHOTS TALDEA. Kiev-eko Glier musika institutuko emakumeen abesbatza da, Galina Gorbatenkok zuzendua. Jatorri ukrainarra duen zuzendari ezagunenetarikoa da nazioartean.