Tolosa CF-ko neskek botako dute aurtengo txupinazoa

Tolosako Larramendi auzoko jaiak izango dira asteburuan; bihar botako dute txupina, 17:30etik aurrera.

Larramendi auzoko haur, gazte eta helduek ez dute aspertzeko aitzakiarik. Bihar bertan hasiko dituzte jaiak eta igandera bitarte, ohi bezala, hamaika ekitaldi izango dituzte. Aurten Tolosa CF-ko neskek izango dute jaiei hasiera emateko ardura.

Auzoko bazkaria larunbatean izango da, baina ez da hori auzotarrek mahaiaren bueltan biltzeko izango duten aukera bakarra; bokata jateak egingo dituzte ostiralean eta larunbatean, iluntzean, eta bakoitzak eramandako janariarekin ere bazkaltzeko bilduko dira igandean.

Igandean haurrek slackline tailerra egin ahal izango dute 16:30etik 17:30era, Arkauteko zelaian. Euria egiten badu, bertan behera utziko dute.

EGITARAUA

Urriak 25, ostirala

17:00.Txokolate jatea.

17:30.Txupinazoa Arkauten, Tolosa CF-ko nesken eskutik eta buruhandiak.

18:00-20:00.Kamiseta tailerra.

19:00-21:00.Pintxo potea.

20:00.Tolosako Banda.

21:00.-22:30.Bokatak, karpan.

21:15.Zezen suzkoa.

23:00.Kontzertuak: Atila y los Unos, DJ KI eta mozorro festa (gaia: musika taldeak edo abeslariak).

Urriak 26, larunbata

10:00.Dultzaineroak.

12:00.Gaztetxoen danborrada Iraunkorrak txarangarekin.

14:00.Auzoko bazkaria, auzokoek prestatuta eta Iraunkorrak txaranga.

17:00-18:30.Zezentxoak eta poneyak Arkauteko zelaian, Saka ganadutegiarekin.

19:00-21:00.Sagardo dastatzea.

19:00-20:30.Alaiki txikientzat.

21:00-22:30.Bokatak, karpan.

23:00.Alaiki.

Urriak 27, igandea

10:00.Diana.

11:00.Patata tortilla lehiaketa.

12:00.Umeen jolasak.

12:00.Toka txapelketa.

14:00.Bazkaria, bakoitzaren esku.

17:00.Buruhandiak.

16:30-17:30.Slackline tailerra haurrentzat, Arkauteko zelaian. Eguraldi txarra eginez gero bertan behera geratuko litzateke.

17:30-18:30.Zumba, karpan.

19:00.Jai amaiera.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!