ARGAZKI GALERIA

5.000 txanpinoi saltsan jarrita

Hamargarren Mikologikak perretxiko usainez esnatu du Tolosa, eta munduan inoiz prestatu den txanpinoi kazolarik handiena prestatu dute. 250 kilo, hau da, 5.000 txanpinoi saltsan prestatu dituzte goizaldetik hasita.

Eguerdian banatzen hasi dira txanpinoiak eta etengabea izan da jendearen joan-etorria. 2,5 metroko ontzia baliatuko dute txanpinoi guzti horiek prestatzeko, eta goizaldean hasitako lanak eguerdirako amaitu dituzte. Baina txanpinoiez gain, onddo eta perretxikoekin egindako pintxo ugari dastatzeko aukera izan dute bertaratuek. Postuz postu, zapore, itxura eta estilo askotako pintxoak izan dira. Postu ugari prestatu dituzte Tolosa eta Goierrialdeko sukaldariek. 

Jatekoekin hasterako, ordea, urtero hutsik egiten ez duen erakusketa jarria zegoen Trianguloaren erdian.  Bezperan, Tolosaldeko ikasleek bildutako perretxiko sorta egon da ikusgai, Aranzadi zientzia elkarteko kideen laguntzaz sailkatuta.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!