Elkartasun xingola erraldoia, Kataluniara

Tolosaldeko Gure Eskuk deituta, mosaiko erraldoia osatu dute, Trianguloan, ehunka pertsonak; bihar Uzturreko bidea argiztatzera deitu dituzte herritarrak. 

Kataluniako prozesuaren epaia albisteak eman eta eman ari da, eta eskualdean hainbat elkartasun keinu antolatu dituzte, egunotan. Arratsaldean izan da azkena, Tolosaldeko Gure Eskuk deituta: mosaiko erraldoia osatu dute, xingola hori bat irudikatuz. 

Lurreko markei jarraituz antolatu dira bertaratutako herritarrak, eta eskuekin jasotako paper horiek osatu dute elkartasun marrazkia. 

Bihar, atzo Aiako Harrian egin bezala, Uzturreko punta argitzera deitu dituzte eskualdeko herritarrak. 20:00etan Izaskunen egin dute hitzordua, eta mugikorrekin edo linternekin bertaratzeko eskatu dute, argiaren efektua egin ahal izateko. Larunbatean, berriz, mobilizazio nazionala deitu du Gure Eskuk, Donostian: 17:30ean abiatuko da martxa, Antiguatik, Erreferenduma ez da delitua. Askatasuna leloa aldarri dutela. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!