Lesioen zerrenda luzea, nahiz bigarren astez jarraian Logroñoraino bidaiatzea ez ziren aitzakia izan behar, eta behin eta berriz azpimarratu zen astean zehar taldearengan izan beharreko konfiantza.
Hala, igandean goizeko zazpi eta erdietan Usabalen hitzordua jarri eta Errioxa aldera abiatu ginen. Partidarako prestatu eta hasierako minututik kontzentratuta irtetea garrantzitsua zen.
Lehen zatian ez zen markagailua mugitu, eta bigarrenean Apari-k, beste gol polit batekin lortu zuen 0 eta 1ekoa sareratzea. Aldea handitzeko aukeraren bat eduki arren, azken minutuetan emaitza estua izanik sufritzea ere tokatu zitzaigun. Ez zen taldearen neurketarik onena izan, baina amaieran, helburu nagusia ziren hiru puntuak etxera.
Argi dago, maila honetan partida errazik ez dagoela, eta etxetik kanpo lortutako puntuek garrantzia berezia hartzen dutela. Asteburukoa hasiera berritzat hartuz, hobetzen joateko lan egitea tokatzen da. Bolada onak jarraipena izan dezan, hurrengo hitzordua igande arratsaldean daukagu Berazubin, Mulier talde nafarraren aurka.
Aupa neskak!
Aulkitik
2019ko urr. 17a, 15:01
Hasiera berri bat
2019ko urr. 17a, 15:01
Aste honetarako helburua argia zen: bolada txarra atzean uztea. Azken hiru partida jarraian galtzeak puntu beharra zekarren, eta aldi berean garrantzitsua zen Pradejonen aurkako lehian izandako sentsazio txarrak alde batera uztea.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!