Topic zentroak eta Gipuzkoako Foru Aldundiko Ingurumen Sailak elkarrekin antolatu dute egitasmoa, ingurumena eta kultura uztartuz. Finean, klima aldaketari buruzko hausnarketak sortu beharko dituzte parte hartzaileek, bide formatuan stop motion teknika baliatuz.
Lehiaketarako sortutako @aldaketaklimatikoagipuzkoan profilean jarraitu ahal izango dira nondik norako guztiak, izan ere, parte hartzaileek datorren abenduaraen 31ra bitarteko epea izango dute lanak bidaltzeko. Behin data hori iritsitakoan, bi sari banatuko dituzte. Bata epaimahaiarena izango da, eta berau osatuko dute, Topic zentroko pedagogia saileko kide batek, foru aldundiko ingurumen diputatu eta zuzendariak eta Coke Rioboó zinema zuzendari sarituak. Bigarren saria, berriz, Instagram sare sozialean Atsegin dut gehien eskuratzen dituen lanarentzat izango da.