Tolosako Boxa elkarteak Juanan Requena gonbidatu du, berriz ere, Boxa elkartera. Oraingoan, La insula nomada karabanarekin etorriko da Tolosara. Antolatzaileen hitzetan, «bisita hau ez da luzea izango, baina bai berezi bezain polita».
Asteartean, hilaren 8an, Tolosako Trianguloa plazan aparkatuko du 17:00etatik 21:00etara, eta horrela ez balitz, Boxan egongo litzateke aparkatuta. Herritarrek karabana eta bere proiektua ezagutzeko aukera izango dute, eta kuriositatea duenak informazioa www.lainsulanomada.com -en sartuta eskuratu dezake. Hurrengo egunean, hilaren 9an, Boxako lokalaren ondoan aparkatuko du Requenak. Bertan, negatiboak handiagotzeko edo karreteren bat errebelatzeko aukera izango da. Hori guztia, bere karabanan egingo du. Guztia behar bezala antolatzeko, izena ematea beharrezkoa izango da, eta bi taldetan banatuta egingo da. Lehen taldea, asteazkenean, hilak 9, 11:00etatik 14:00etara ariko da, eta bigarren taldea, 16:00etatik 20:00etara. Norbaitek izena eman nahi badu mezu bat idatzi beharko du boxa.argazkia@gmail.com helbide elektronikora.
Antolatzaileek aurreratu dutenez Requena ezagutzeko edo bisita egiteko ez da izenik eman behar. Tailerrean parte hartzea debaldekoa da, baina izena emanez gero arduraz jokatzeko eskatu dute. Bazkaltzen geratzeko aukera egongo da, baina aldez aurretik jakinarazi behar da eta denen artean ordainduko da.
Juanan Requenaren karabana asteartean Trianguloan eta asteazkenean Boxan egongo da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!