Tolosa CF Atletismo taldeak esker oneko hitzak izan ditu Lazkaoko antolatzaileentzat: "Lazkaon, urteroko lez ospatu da Josetxo Imaz lasterketa eta bertan, Txindoki Atletismo Taldeak ukitu polita izan du gurekin. Irteera eman baino lehen, orain gutxi zendu zaigun Ibon Gonzalez-en oroimenez minutuko isilunea gauzatu da. Eskerrik asko Txindoki Atletismo Taldea. Gaur ere Ibonekin korri egin dugu!".
Lasterketan, Jon Ander Cabero ibartarra izan zen eskualdeko azkarrena, hamargarren amaituz, 34.42ko denborarekin. Eneko Agirrezabal irabazlearengandik 3.27ra helmugaratu zen Cabero. Emakumeetan, Maialen Uranga tolosarra bederatzigarren iritsi zen, 49.45eko denborarekin. Irabazlea, Jone Zabaleta izan zen, 38.11ko denborarekin.