Informazio panel berria, Larramendin

Herriko eta udaleko informazioa gune ezberdinetara gerturatu eta herritarren eskura jartzeko asmoz, hirugarren informazio-pantaila ezarri du udalak.

Zezen plaza kanpoaldean eta Triangulo plaza ondoan ezarritako informazio-pantailek izandako «arrakasta eta harrera ona» dela eta, udalak hirugarren bat jarri du Larramendi auzoko sarreran. Panelen helburua «tokiko eta udaleko informazioa Tolosako gune eta auzo ezberdinetara gerturatzea eta herritarren eskura jartzea da modu erraz, eroso, zuzen eta azkarrean».

Euskarri hauek, informazio ugari eskaintzen dute, testu, irudi edo bideoen bitartez: kultur agenda, udal albisteak, eragileek antolatutako ekintzak edota informazio eta sentsibilizazio kanpainak. Larramendi auzoaren kasuan, «zirkulazio handiko gunea delako» jarri da panela. Aurretik ezarritako pantailen ezaugarri berdinak ditu: 3 metroko altuera eta LED pantailak bi alboetan. 06:00etatik 00:00etara bitarte egongo da piztuta.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!