15 eta 20 urte bitarteko gazteek hartu dute parte Segurtasun Sailaren ekimenean, gaur, Leidorren. Bi txandatan banatuta, Laskorain Ikastola, Herrikide, Tolosako Inmakulada Lanbide Ikastola eta Orixe Insitutuko ikasleek aretoa lepo bete dute. Trafiko istripuen prebentziorako tailerra forma didaktikoan eskaini dute. Zuzeneko testigantzak ere entzun dituzte, Borja Marcos udaltzainaren, Mikel Zubeldia suhiltzailearen eta bizkarrezur muineko lesioa duen Alaitz Arbillaren eskutik.
Don't be Dummy ekimenaren barruan 70 saiotik gora burutu dira Araba, Bizkaia eta Gipuzkoako 44 udalerritan. Guztira 16.900 ikaslek parte hartu dute ekimenean.
