Trafiko istripuak prebenitzeko tailerra jaso dute Tolosako gazteek

Don't be Dummy, Zuk ez duzu ordezkorik kanpaina iritsi da gaur Leidorrera. Eusko Jaurlaritzaren Segurtasun Sailak antolatutako ekimenean Tolosako lau zentrok hartu dute parte.

15 eta 20 urte bitarteko gazteek hartu dute parte Segurtasun Sailaren ekimenean, gaur, Leidorren. Bi txandatan banatuta, Laskorain Ikastola, Herrikide, Tolosako Inmakulada Lanbide Ikastola eta Orixe Insitutuko ikasleek aretoa lepo bete dute. Trafiko istripuen prebentziorako tailerra forma didaktikoan eskaini dute. Zuzeneko testigantzak ere entzun dituzte, Borja Marcos udaltzainaren, Mikel Zubeldia suhiltzailearen eta bizkarrezur muineko lesioa duen Alaitz Arbillaren eskutik. 

Don't be Dummy ekimenaren barruan 70 saiotik gora burutu dira Araba, Bizkaia eta Gipuzkoako 44 udalerritan. Guztira 16.900 ikaslek parte hartu dute ekimenean. 

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!