Areto futboleko Tolosala elkarteak antolatuta, 4x4 I. Futsal Txapelketa jokatu da Armeria plazan. Guztira 37 talde eta 180 haur izan dira parte hartzen. Antolatzaileen esanetan, "oso kontentu gaude nola joan den ikusita. Ez genuen espero hainbeste parte hartzaile izatea".
Bi mailetan jokatu zen txapelketa. Alebinetan, Izurde Beltzak izan ziren txapeldunak eta Indartsuak bigarren. Benjaminetan Laskoraingo Lehoiak izan ziren irabazleak eta Mamuak bigarren.
Tolosalatik babesleek emandako laguntza eskertu dute eta datorren urtean berriro antolatuko dutela adierazi.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?