XXXIII. Santa Rosa de Lima txapelketa jokatu zen Venta de Baños-en (Palentzia). Tolosa CF-ko alebinak bertan izan ziren, baita Tolosako kirol zinegotzi berria ere, Jose Mari Villanueva. Hain justu bera izan zen txapeldunei kopa emateko ardura hartu zuena. Herriko taldeari ematea tokatu zitzaion, Tolosa CF izan baitzen txapelduna. Zortzi talderen artean jokatu zen txapelketa eta euskaldun bakarrak eskualdekoak izan ziren. Finalerdietan Valladolid CF-ri 2-1 irabazi zioten. Finalean errazago lortu zuten garaipena, 3-0eko emaitzarekin.
