Tolosa CF-ko nesken taldeko kideak kontziente dira, helburu nagusia maila mantentzea izango dela. Kategoria berria da beraientzat, eta ez da erraza izango mailari neurria hartzea. Hala ere, hasiera bikaina eman diote 1. Nazionala mailari; iazko denboraldi amaieran izandako bolada onari jarraipena eman diote horrela, beti baita garrantzitsua liga ondo hastea.
Zaleen aurrean jokatu zuten denboraldiko lehen partida, atzo, Itaroa Huarte taldearen aurka. Jendez gainezka zeuden Berazubiko harmailak, eta ederki gozatu zuten talde urdineko jarraitzaileek. 3-0 irabazi zion Tolosak talde nafarrari. Nahia Apariciok sartu zuen lehen gola, atsedenaldira iritsi aurretik. Partida amaierara heldu aurretik, 75. minutuan, Izaro Goenagak egin zuen bigarrena. Hiru minutu geroago, Apariciok sartu zuen partidako azken gola. Emaitza honi esker, sailkapeneko bigarren postuan kokatu dira tolosarrak, 3 punturekin, lehen postuan dagoen San Ignacio taldearekin berdinduta. Larunbatean jokatuko dute ligako bigarren partida, Osasuna B taldearen aurka, Tajonarren.
Neskak ez ezik, mutilak ere martxan dira dagoeneko 2019-2020 denboraldian. Hauek, ordea, ez dute hasiera gozoa izan, eta bost jardunaldiren ondoren, 19. postuan dira, bi punturekin. Tolosarrak jakitun dira Hirugarren mailan gauzak oso ondo egin beharko dituztela puntuak eskuratzeko. Oraingoz, bi berdinketa (biak etxean) eta bi porrot lortu dituzte. Azken partidan 1-0 galdu zuten San Ignacio talde gasteiztarraren aurka.
Atseden hartzeko tarte handirik gabe, asteazkenean jokatuko dute hurrengo partida, 19:30ean. Tolosarrek, Gasteizko beste talde bat hartuko dute etxean: Ariznabarra. Arabarrak 14.ak dira ligan, lau punturekin. Talde urdinak aukera ederra du zaleen aurrean lehen garaipena lortu eta gora begira jartzen hasteko.
EMAKUMEZKOEN 1. NAZIONALA
HURRENGO JARDUNALDIA
Osasuna B - Tolosa (irailak 21, larunbata, 16:30ean, Tajonarren, Iruñean)
SAILKAPENA
Pos. | Taldea | Puntuak | JP | IP | BP | GP | EA | AT | KT |
---|---|---|---|---|---|---|---|---|---|
1 | SAN IGNACIO S.D. | 3 | 1 | 1 | 0 | 0 | 0 | 3 | 0 |
2 | TOLOSA C.F. | 3 | 1 | 1 | 0 | 0 | 0 | 3 | 0 |
3 | BIZKERRE F.T. | 3 | 1 | 1 | 0 | 0 | 0 | 3 | 1 |
4 | AT REVELLIN C.D. | 3 | 1 | 1 | 0 | 0 | 0 | 2 | 1 |
5 | ARRATIA | 3 | 1 | 1 | 0 | 0 | 0 | 2 | 1 |
6 | MULIER C.D. | 3 | 1 | 1 | 0 | 0 | 0 | 1 | 0 |
7 | PRADEJON C.D. | 1 | 1 | 0 | 1 | 0 | 0 | 1 | 1 |
8 | OSASUNA "B" | 1 | 1 | 0 | 1 | 0 | 0 | 1 | 1 |
9 | BERRIOZAR CF | 0 | 1 | 0 | 0 | 1 | 0 | 1 | 2 |
10 | AURRERA DE VITORIA C.D. | 0 | 1 | 0 | 0 | 1 | 0 | 1 | 2 |
11 | OIARTZUN K.E. ANTIGUOKO K.E. | 0 | 1 | 0 | 0 | 1 | 0 | 0 | 1 |
12 | AÑORGA K.K.E | 0 | 1 | 0 | 0 | 1 | 0 | 1 | 3 |
13 | ITAROA HUARTE C.D. | 0 | 1 | 0 | 0 | 1 | 0 | 0 | 3 |
14 | LOGROÑO CDEF "B" | 0 | 1 | 0 | 0 | 1 | 0 | 0 |
|
GIZONEZKOEN 3. MAILA
HURRENGO JARDUNALDIA
Tolosa - Ariznabarra (irailak 18, asteazkena, 19:30ean, Berazubin)
SAILKAPENA
Pos. | Taldea | Puntuak | JP | IP | BP | GP | EA | AT | KT |
---|---|---|---|---|---|---|---|---|---|
1 | BALMASEDA F.C. | 12 | 4 | 4 | 0 | 0 | 0 | 6 | 2 |
2 | SESTAO RIVER C. | 10 | 4 | 3 | 1 | 0 | 0 | 7 | 0 |
3 | SANTUTXU F.C. | 10 | 4 | 3 | 1 | 0 | 0 | 7 | 4 |
4 | DEUSTO S.D. | 7 | 4 | 2 | 1 | 1 | 0 | 5 | 4 |
5 | PASAIA K.E. | 7 | 4 | 2 | 1 | 1 | 0 | 4 | 3 |
6 | SANTURTZI C.D. | 7 | 4 | 2 | 1 | 1 | 0 | 3 | 2 |
7 | CULTURAL DE DURANGO | 6 | 4 | 2 | 0 | 2 | 0 | 6 | 4 |
8 | PORTUGALETE C. | 6 | 4 | 1 | 3 | 0 | 0 | 3 | 2 |
9 | GERNIKA CLUB S.D. | 6 | 4 | 1 | 3 | 0 | 0 | 3 | 2 |
10 | LAGUN ONAK C.D. | 5 | 4 | 1 | 2 | 1 | 0 | 2 | 2 |
11 | VITORIA C.D. | 5 | 4 | 1 | 2 | 1 | 0 | 1 | 1 |
12 | URDULIZ F.T. | 4 | 4 | 1 | 1 | 2 | 0 | 2 | 2 |
13 | SOMORROSTRO J.D. | 4 | 4 | 1 | 1 | 2 | 0 | 1 | 4 |
14 | ARIZNABARRA C.D. | 4 | 4 | 1 | 1 | 2 | 0 | 4 | 4 |
15 | BASCONIA C.D. | 4 | 4 | 1 | 1 | 2 | 0 | 4 | 5 |
16 | SAN IGNACIO C.D. | 4 | 4 | 1 | 1 | 2 | 0 | 1 | 5 |
17 | REAL SOCIEDAD S.A.D. "C" | 2 | 4 | 0 | 2 | 2 | 0 | 5 | 7 |
18 | BEASAIN S.D. | 2 | 4 | 0 | 2 | 2 | 0 | 3 | 5 |
19 | TOLOSA C.F. | 2 | 4 | 0 | 2 | 2 | 0 | 2 | 6 |
20 | SODUPE U.C. | 0 | 4 | 0 | 0 | 4 | 0 | 3 | 8 |