Hertzainak, Et Incarnatus orkestrarekin asteazkenean

Ataria 2019ko ira. 9a, 19:59

Lehen aldiz, zuzeneko batean, Aitormena abestia kantatuko dute harizko orkestraz lagundurik. Kontzertua Hondarribiko Bentan izango da, 20:30ean. 

Hertzainak taldeak irailaren 17an, 25ean eta 26an berragerpen kontzertuak iragarri zituen Bilbon. Aurrez, ordea, Tolosako Et Incarnatus orkestrarekin joko dute Hondarribian. Azken kontzertua 1993an eskaini zuten Donostiako Anoetan. 26 urteren bueltan, oholtzara itzuliko dira, asteazkenean, 20:30ean Honarribiko Bentan. Emanaldi berezi baten barruan ariko dira kantuan, gainera. Et Incarnatus orkestraren doinuen altzora artista gehiago elkartuko baitira. Besteak beste:
    • Lain: Leire Leturia eta Kristina Aranzabe
    • Maider Zabalegi
    • Maixa Lizarribar
    • Enrike Solinis
    • Xabier Leturia
    • Juantxo Arakama “Glaukoma”

Et Incarnatus orkestra ondorengo musikariek osatuko dute:

    • Miren Zeberio, kontzertinoa.
    • Amaiur Cajaraville, bajua
    • Gorka Benitez, sax, flauta.
    • Juantxo Zeberio, pianoa.
    • Karlos Aranzegi, bateria.
    •  Jurdana Otxoa, Txabeli Iglesias, Amaia Gutierrez, Mikel Urdangarin, Maddi Arana, Tomas Ruti, Nika Mitchiashvili, biolina.
    • Iker Gimenez, Imanol Martinez, biola
    • Alejandro Martínez, Iratxe Paredes, txeloa
    • Migel Zeberio, zuzendaria.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!