Bigarren urtez jarraian Iurre tabernak irabazi du boleibol txapelketa

Hondartzako X. Bolei Txapelketaren lehen postua Iurre tabernak irabazi du, bigarren urtez jarraian, Eguzki taberna taldeari irabazita. Jendetza elkartu da Plaza Berrian.

Goizetik hasi dira kanporaketak jokatzen eta finalerako txartela lortzeko, lehenik eta behin, Eguzkik Cafe Iruña taberna kanporatu du, eta iaz finalera iritsi zen Orbela taberna kanporatu du Iurre tabernak. Lehia estua izan dute lehen bi postuak erabakitzeko Iurrek eta Eguzkik. Plaza Berria jendez beteta zela jokatu dituzte partidak. 23-25 /21-15 eta 15-8ko emaitzak izan dira jokatu dituzten hiru setetan.

Hirugarren eta laugarren postuak Cafe Iruña eta Orbela taldeen artean jokatu dira, eta Orbelak lortu du hirugarren postua, Cafe Iruñari irabazita.

Sari berezia, Izarra taberna taldearentzat izan da.

Guztira 32 talde parte hartu dute Toloboleik antolatu duen txapelketan.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!