Zine ziklo berri bati ekingo dio Tolosako Leidor aretoak, igande honetan, hilak 8. Hain justu, Quentin Tarantinoren Erase una vez en Hollywood filma ikusteko aukera izango da, etzi eta astelehenean, 19:30ean eta 20:30ean, hurrenez hurren.
Hollywoodeko istorioa kontatzen duen filma, estreinaldi garaian da uneotan; baina, Leidorren proiektatuko diren filmetatik, ez da egoera horretan dagoen den bakarra izango. Izan ere, irailaren 28an, larunbata, 29an, igandea, eta 30ean, astelehena, Agur Etxebeste filma ikusteko aukera izango da.
Bihar jarriko dira salgai bonuak, Leidorreko leihatilan, 11:00etatik 13:00era. Hala ere, aurrez aipatutako bi film horien proiekzioak bonutik kanpoko saioak izango dira. Horiek ikusteko, bonua dutenek 4 euro gehiago ordaindu beharko dituzte.
Ziklo berria urriaren 14ra bitarte luzatuko da. Tartean, urriaren 3an, 2019ko On Zientzia lehiaketako dibulgazio bideo onenaren 2019ko saria jaso duen Exoplanetak film laburra eskainiko da. Horrez gain, haur zinema ere izango da Leidorren.
Bihar salduko dira zine ziklo berriko bonuak, 11:00etan. 'Erase una vez en Hollywood' pelikula ere ikusi ahalko da.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!