Bertan itolarriak, zauriak, erredurak, traumatismoak, bularreko minak, isurketak, garuneko tronbosiak, konbultsioak edota konorte galerak nola artatu erakutsiko dute.
Hurrengoa, familia osoari zuzendutako suspertze tailerra izango da, hilaren 7an, 17:00etatik 19:00etara. Haurrek ez dute ordaindu beharko, eta helduentzat, berriz, zortzi euroko kostua izango du. Bakoitzak gehienez hiru umerekin eman dezake izena. Saioan, bihotz-geldialdi bat identifikatzen eta horren aurrean jokatzen ikasiko dute.
Irailerako antolatu duten azken ikastaroa hilaren 9an hasi eta 27an amaituko da. Lehen sorospenen ikastaroa izango da, eta astelehenetik ostiralera egingo dute, 19:00etatik 21:00etara. Kasu honetan, egunerokoan aurkitu daitezkeen arriskuak landuko dituzte eta hauei nola lagundu erakutsiko dute: bihotz-biriken suspertzea, zauria, hausturak, erredurak... Gainera, hala nahi duten ikasleek Sorospen Titulua eskuratzeko aukera edukiko dute, ikasturte amaieran egiten diren probak gaindituz. Matrikulatzeko 110 euro ordaindu beharko da.
Parte hartu edo informazio gehiago eskuratu nahi dutenek 943 464 622 telefono zenbakira deitu dezakete edo www.DYAgipuzkoa.com webgunean sartu. Tolosako Babes Zibileko Egoitzan emango dira ikastaro guztiak, eta toki kopurua mugatua dela jakinarazi dute.
Ikasturte berria hastearekin batera, Tolosarako hiru ikastaro dauzka prest DYAk. Lehenengoa, lehen sorospenei buruzko doako hitzaldia izango da, gaur bertan, 19:00etatik 21:00etara.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!