Oreka-T Tolosako Slackline taldeak antolatutako jaialdiak ikusmina sortu du herritarren artean ere. Nola Zerkausitik, hala zubitik, jende mordoa egon da soka gainean oreka mantentzeko gai direnei begira. Linea ezberdinak jarri dituzte, altuera eta luzeera ezberdinetakoak, eta goiza bertan pasa dute, erabilera librean lehenik eta erronkak egiten ondoren.
Eguerdiko atsedenaldiaren ostean, trickline erronka prestatu dute, eta berriro ere erabilera librean aritzeko tartea hartuko dute horren ondoen; modalitate guztiak izango dira ikusgai. 18:00etan, berriro ere DJa musika jartzen hasiko da, giroa animatzeko, eta 19:00etan parkea itxi ostean, parte hartzaile guztiek afaria egingo dute.
Bihar ere jarriapena izango du jaialdiak:
10:00. Irekiera.
10:30. Parkearen erabilera librea, beroketa.
11:30. Freestlye modalitatea.
12:30. SpaceLine erronka.
13:30. Parkearen erabilera librea, modalitate guztien erakusleiho.
14:30. Itxiera ekitaldia.
15:00. Parte hartzaileen bazkaria.