Tolosan grabatuko den 'La línea invisible' telesailerako figuranteak behar dituzte

Grabaketak abuztuaren 19an egingo dituzte, 08:30etik 19:30era.

Euskal Herriko beste hainbat herritatik igaro ondoren, abuztuaren 19an grabatuko dute La línea Invisible seriea Tolosan. Horretarako estra lanak egin nahi dituztenen bila ari dira.

Hautagaiek ezingo dituzte eduki ikusteko moduko tatuajeak edo piercing-ak eta bizarra mozteko prest egon beharko dute. Kasu batzuetan, ilea pixka bat moztu dezakete. Figurante bakoitzak bere janaria eraman beharko du grabaketa egunean, baina dietak bueltatuko zaizkie. Gainera, egindako lanak ordainsaria ere izango du. Hautaketa probarako www.modfie.com webgunean eman behar da izena.

Grabatuko duten serieak sei kapitulu ditu, ETAren sorreraren ingurukoa da eta Movistar + katean emango dute.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!