Denboraldi honetan, tolosarrak modalitate horretan eskuratu duen lehen garaipena izan da Karlsruhekoa; bere palmaresean, zortzigarrena. Arruabarrenak eta Voracovak ordubete eta berrogeita hamalau minutu behar izan dituzte, aurkariei irabazteko. Zortzi falta bikoitz egin, eta sakez eginiko tantoen %59 eskuratu dituzte; aurkariek, berriz, sakez eskuratutako tantoen %49 egin dituzte, eta falta dobleak 3 izan dira haien alde.
Alemanian lur zanpatuan jokatutako txapelketan, guztira zortzi bikotek parte hartu dute, eta Arruabarrenak eta Voracovak lan egin behar izan dute finalaren aurretik ere: final laurdenetan Eva Wacanno eta Tereza Mrdezari gailendu zitzaion bikote txapelduna, eta finalerdietan Jaqueline Cristian eta Elena-Gabrielak osatutako bikoteari irabazi zioten.
Aipatzekoa da, Lara Arruabarrena WTAko 69. postuan dela gaur egun; Renata Voracova, berriz, 67.ean.