Donostiako Klasika txirrindulari lasterketa dela eta, abuztuaren 3an, larunbata, Rondilla kalea itxita egongo da trafikoarentzat, 12:00etatik aurrera. Ondoren, 13:00ean, San Frantzisko kalea eta Araba etorbidea itxiko dira.
Ibilbide luzeko autobusek beren geltokia aldatuko dute Rondilla 34tik Santa Klarara (Zumardi txiki).
TSST autobusak, Arriaran biribilgunean geralekua egin ondoren, Amaroztik sartuko dira Tolosara eta geltoki hauek izango dituzte: Zezen plaza, Nafarroa etorbidea, Jon Andoni Irazusta (biala) eta Larramendi.
Tolosaldeko autobusen Rondilla 34ko geralekua Santa Klarara mugituko da eta zerbitzurik gabe geratuko dira San Frantzisko eliza, San Frantzisko geltokia, Araba etorbidea eta Bentaundi.
Hiribusaren geltokiak ere lekuz mugituko dira: Rondilla 34tik Santa Klarara Zumardi txikira eta zerbitzurik gabe geldituko dira San Frantzisko eliza, San Frantzisko geltokia, Berazubi eta Iurre.