Prest da udalaren udako kultur eskaintza. Urtero moduan, uztailerako eta abuzturako egitarau berezia prestatu dute. Lehen ekimen nagusia, Tolosako Musika Bandaren kontzertua izango da, ostiral gauean, Lopez Mendizabal plazan.
Azken urteetan Alondiga plazan egin izan bada ere, bere garaian xarma berezia biltzen zuen plazara itzuliko da. Bertan, dantzarako doinuak entzungo dira. Besteak beste, The Beatles eta Supertramp rock taldeenak, baita Hego Amerikako eta Mexikoko doinuak nahiz pasodobleak ere.
Gainera, abuztuaren 8an Santa Maria elizan izango den organo-kontzertua ere aipatu beharra dago. Ignacio Arakistainek, Xabier Urtasunek eta Mikel Ansolak eskainiko dute saioa.
AUZOETARA
Ekintza kulturalek, baina, ez dituzte Alde Zaharreko nahiz erdiguneko txokoak soilik bisitatuko. Izan ere, auzoetan ere izango da zer ikusi.
Berazubi, Larramendi, Amarotz eta San Estebanen bi film eskainiko dira, biak ere auzotarrek eskatuak: Campeones eta El Gran Showman titulu ezagunak.
San Estebanen, gainera, lehen aldiz izango da kalean zinema ikusteko aukera.
KULTUR EGITARAUA
Uztailak 19, ostirala
23:00. Tolosako Musika Bandaren kontzertua Lopez Mendizabal plazan: Dantzarako doinuak.
Uztailak 22, astelehena
22:30. Zinema kalean: Campeones filma Berazubi auzoan.
Uztailak 23, asteartea
22:30. Zinema kalean: Campeones filma San Esteban auzoan.
Uztailak 24, asteazkena
22:30. Zinema kalean: El gran Showman filma Amarotz auzoan.
Uztailak 29, astelehena
22:30. Zinema kalean: Campeones filma Larramendi auzoan.
Abuztuak 8, osteguna
20:00. Organo kontzertua, Santa Maria parrokian: Ignacio Arakistain, Xabier Urtasun eta Mikel Ansola.