Asier Mujika, hirugarren Tena bailarako triatloian

Tolosaldeko Triatloi Taldeko tolosarrak irabazleak baino 24 segundo gehiago behar izan zuen proba amaitzeko.

Guztira Tolosaldeko Triatloi Taldeko bost kirolarik parte hartu zuten, guztiak tolosarrak. Aurtengoan triatloiaren hirugarren urtea izan da eta igeri 750 metro, bizikletan 20 kilometro eta korrika 5 kilometro egin zituzten. Sallent de Gallego eta Lanuza artean izan zen proba. Asier Mujikak hirugarren postuan amaitu zuen, 1.13.51 denborarekin, Lorenzo Buil (1.13.26) eta Pablo Melendoren (1.13.38) atzetik. Tolosaldeko Triatloi Taldeko beste lau kirolariak Eduardo Gonzalez (22.), Asier Capa (24.), Beñat Azaldegi (25.) eta Julen Telleria (39.) izan ziren.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

BATAK BESTEA DAKAR


EGIN ATARIKIDE!