Tolosa CF Atletismokoen lorpenak:
- Nere Jauregi 6. izan zen altuera jauzian, 1.57ko jauziarekin. 1.60 oso gertu izan zuen baina orpoekin bota zuen listoia. Hala eta guztiz ere marka eta postu bikaina lortu zuen.
- Ibone Ezeizabarrena finalaren atarian gelditu zen 1.000 metrotan, 3.06ko denborarekin. Finala segundo bakarrera geratu zitzaion.
- Ane Martinek bere marka pertsonala hobetu zuen 3.000 metrotan, 10.39 eginaz. 10. postuan amaitu zuen proba.
- Irati Azpilgainek bi frogatan parte hartu zuen. 100 metrotan 13,12ko denbora egin zuen, kanporaketetan geldituz. Luzera jauzian talonamendu arazoak izan zituen eta ez zen 5 metrora iritsi, 4.94ean geratuz.
- Ander Aristi bere markatik gertu ibili zen 300 metro hesietan, 42,37 eginaz.
Tolosa CF Atletismo taldetik guztiak zoriondu dituzte egin duten denboraldi borobilagatik.
