Zirkoa zirudien gaur Amarozko plazak. Malabareak, akrobaziak nahiz suarekin egindako jolasak nagusitu dira. Izan ere, festen barruan, Circo a medias ikuskizuna zuten prestatuta gaurko. Jendetza elkartu da eta harritzeko nahiz barre egiteko aukera izan dute bertaratutako haur nahiz helduek.
Egitarau zabala izan dute Amarotzen gaur ere. Goizean goizetik, txistulariak, dantzak eta danborrada izan dituzte auzoan. Eta eguerditik aurrera ere, festak ez du etenik izango. Nahi duen ororentzat, prest daukate auzo bazkaria, aurreskua, toka txapelketa, areto dantzen emanaldia, sardina jatea, DJ XA2, suziriak eta sardinaren hileta.