San Ferminak ez dira Iruñea, Lesaka edo Pasaian bakarrik ospatzen. Tolosako Alde Zaharrean, eguerdian, txupinazoarekin eman diote hasiera festari.
Plaza Berrian Kabi Alai elkarteak antolatu du festa eta txupinazoaz gainera, puzgarriak eta buruhandiak ibili dira goizean. Pintura tailerra ere egin dute goizean eta arratsalderako, entzierro txikia iragarri dute, zezenekin.
Iruñean zortzi egunetan izaten dena, ordu gutxi batzuetara laburbilduko dute Tolosako Alde Zaharrean. Txokolate beroa banatu ondoren, 19:30ean Gaixoa ni! kantatuko dute Tolosako San Ferminei amaiera emateko.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
