Benjamin eta alebin mailetan banatuta, nesken eta mutilen 56 taldek hartu dute parte areto futboleko San Joan txapelketan. Duela bost egun hasi zen txapelketa gaur amaitu da. Aurtengoa berezia izan da, Arsenal elkarteak antolatu ez duen lehenengoa izan delako. Egindako lanarengatik omenaldia ere jaso dute talde horretako kideek.
Benjamin nesketan Ausartak izan da txapelduna eta Intxurre A txapeldunorde; benjamin mutiletan, Anoeta Team eta Los Fieros; alebin nesketan Beasteiko Tigreak eta Neska Alaiak; eta alebin mutiletan, Arpa Joleak eta Leopardo Team.