1969ko ekainaren 28an, Stonewall tabernako gertakariak izandako eguna, historikotzat hartzen du lesbiana, gay, transexual, intersexual eta queer-en askapen mugimenduak. Gau hartan, sexu- eta genero- desberdineko jendea isolaturik egoteari utzi eta sistemari aurre egiteko elkartu zen, beren burua erakutsi, beren eskaerak agerian jarri eta haiek diskriminatzen zituen sistema baten bidegabekeriaren aurka borrokatzeko.
Beste urte batez, LGTBIQ+ pertsonek jasaten duten diskriminazioa gaitzetsi nahi du Tolosako Udalak, eta berriz berretsi nahi du sexu-orientazio eta genero identitatearen ondoriozko aurreiritzien aurka duen borrokatzeko konpromisoa.
Hori dela eta, eskubide hori aldarrikatzeko, hainbat jarduera antolatuko dira herrian. Jarduera horiez gain, San Joan festak hasi zirenetik, Zerkausia ortzadarraren koloreekin argiztatuta ageri da, eta horrela iraungo du igandea bitarte. Bestetik, gaur egun osoan zehar, udaletxeko balkoitik zintzilik jarriko dira LGTBIQ+ bandera eta Hiruki arrosa.
Herritarrei begira, baina, aldarrikapen keinu horiez gain, kultur ekintzekin osatu du egitaraua udalak. Batetik, Ura Iturraldek ateratako argazkiekin osatutako erakusketa zabaldu berri du Gernikako Arbolan, irailaren 6ra bitarte. Iran ezkutua du izena eta herrialde horretako LGTBI komunitateko kide diren gazte batzuen bizitza gogorra erakusten du. Bestetik, uztailaren 4an, Dúo de improvisación antzezlana ikusteko aukera izango da, Euskal Herria Plazan, 19:00etan, Kankaneo Teatroaren eskutik.
Udalak ikur ezberdinekin atonduko ditu herriko txokoak. Erakusketa bat eta antzezlan bat ere izango dira ikusgai.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!