Oriako Txirrindulari Eskolako Zuzendaritza Batzordeak Javier Goenagaren heriotza deitoratu nahi du, gure txirrindularitza eskolako lehendakari ohia eta laguntzailea. Txirrindularitza-proba batean boluntario lanak egiten ari zela gertaturiko zoritxarreko istripu baten ondorioz zendua.
Une zail eta gogor hauetan familiari dolumina erakutsi nahi diogu.
Bestalde, bere bizi guztian zehar Tolosaldean txirrindularitzaren alde egindako lan guztia baloratu eta eskertu nahi dugu. Javier bezalako pertsonei esker, makina bat txirrindulari proba antolatu ahal izan dira, adin guztietako milaka kirolarien parte-hartzea ahalbideratuz.
Javierrek erakutsitako moduan, Oriako Txirrindulari Eskolan lanean jarraituko dugu txirrindularitza sustatuz.
Tolosan, 2019eko ekainaren 26ean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
