Lehendakari Torneorako puntuagarria zen lasterketa. Helmugara iristear zirela, Leaburutik behera jaisterakoan izan da ezbeharra Amarotzeko bidegurutzean. Javier Goenaga boluntarioa, Oriakoko lehendakaria izandakoa, bidegurutzea egiten ari zen eta tropeltxo bateko azken txirrindulariak jo du. Lurrera erortzerakoan buruan kolpea hartu du eta konorterik gabe geratu da. Bihotz-biriketako bizkortzea (erreanimazioa) bertan egin diote eta ondoren ospitalera eraman dute. Ertzaintzak jakinarazi duenez bere egoera "larria" da. Txirrindulariak, bere aldetik, lepauztaia hautsi du istripuan.
Sanjoanen barruan, XLII. Jose Mari Anzaren Oroimenezko afizionatu mailako txirrindulari lasterketa jokatu da gaur goizean Tolosan. Ezbeharra 12:00ak inguruan izan da. Gizonezkoa "larri" eraman dute ospitalera.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!