Jendez bete da Plaza Zaharra eta haurrak izan dira protagonista. Izan ere, beraiek izan dira lehenak San Joan suaren gainetik salto egiten. Gainera, Tolosako musika eskolako ikasleen bandak jotako abestiak entzuteko aukera ere eduki dute. Eguraldia lagun, dozenaka haur ausartu dira suaren gainetik pasatzen.
Behin su txikia itzalita, Zerkausiara jauzi egin du festak. Bertan Jexus Mari Irazuren, Miren Amurizaren, Beñat Iguaranen eta Haritz Mujikaren bertsoekin gozatzeko aukera izan dute entzuleek.