Udalaren enkarguz, herriko guraso euskaldunen hizkuntza ohiturak aztertu ditu Siadeco elkarteak. Gaur aurkeztuko dira azterketaren emaitzak, kultur etxeko areto nagusian, 19:00etan. Euskararen erabilerari ikuspegi zabaletik erreparatu diote: ahozko erabilera, transmisioa, hedabideen kontsumoa, kultura eta euskararen inguruko iritzia.
Hiru arlotan oinarritu dira. Batetik, haurrak LH eta DBH mailatan dituzten gurasoekin inkesta bat egin da. Bestetik, gurasoekin talde dinamikak egin dira, datu kualitatiboak eskuratzeko. Azkenik, adituen iritziak jaso dira, datu horiek kontrastatzeko.
Gaur aurkeztuko dituzte, kultur etxean, Siadeco elkarteak Tolosan gauzatutako ikerketaren datuak, 19:00etan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!