Tolosaldeko mendi lasterketa egiteko aukerarik ez du izan asteburuan Ane Iturriak, Granadan izan baita Espainiako Kopa lehiatzen. La Sagra Skyrace mendi lasterketan parte hartu zuen Alpino Uzturreko korrikalariak, igandean. Bidaia ez zen alferrikakoa izan, garaipenarekin itzuliko baita etxera Iturria. 15 kilometro egiteko 2:06:00 behar izan zituen, hau da, kilometroak 8 minutu eta 24 segundoko erritmoan egin zituen. Lasterketa bere osotasunean kontuan hartuta, helmugan 19.a izan zen tolosarra. Bigarren emakume juniorrari 14 minutuko aldea atera zion, eta hirugarrenari 16koa.
Alpino Uzturreko korrikalari gazteak Espainiako Kopako junior mailako lasterketa irabazi du. 15 kilometroko ibilbidea egiteko bi ordu eta sei minutu behar izan ditu tolosarrak.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!