Tolosako Sanjoanak 2019

San Joan usaina hartu dute kirol jarduerek

Tolosaldeko Ataria 2019ko eka. 15a, 17:56

Tolosako txoko guztiak kirol jarduera ezberdinez bete dituzte. Berazubin, Urtzi memoriala futbol txapelketa eta Gainditzen elkartearen padel txapelketa jokatu dira. Usabalen eskubaloia izan da protagonista eta Alondegia plazan 3x3 saskibaloi txapelketan aritu dira gaztetxoenak.

Sanjoanetako suziria jaurti gabe badago ere, festa usaina hartu du goizean goizetik Tolosak. Kirol txapelketak jokatu dira goizean zehar, eta arratsaldean ere izango da festaren jarraipenik.

Berazubin, Urtzi Gurrutxaga zenaren aldeko futbol txapelketa jokatu dute. Arratsaldean jokatu dute finala, 18:00etan. Horrez gainera, Gainditzen elkarteak antolatuta, padel txapelketa egin dute pistetan, eta guztira hamar lagun inguru aritu dira lehian.

Usabal kiroldegian, berriz, eskubaloi txapelketa jokatu da Tolosa CF Eskubaloi taldearen eskutik. Kiroldegiko bi kantxetan aritu dira goiz guztian zehar partiduak jokatzen.

Bestalde, Tolosako erdigunean ere izan da zer ikusirik. 3X3 saskibaloi txapelketa antolatu du TAKEk, eta goizeko saioak Alondegia plazan izan dira. Arratsaldeko partidak, berriz, San Frantzisko pasealekuan izan dira.

 

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!