Euskal Herriko matematika ikasle onenak saritzen ditu lehiaketa horrek, eta matematikaren ezaguera gizarteratzea du helburu. Bertan, problemak ebatzi behar izan zituzten ikasleek; ez-ohiko problemak ebazteko ahalmena sustatzeaz gain, sormena, erabakiak hartzeko gaitasuna, pentsaera dibergentea eta egoera berriei aurre egiteko trebezia lantzen dira.
2019ko edizioan, Euskal Herriko 105 ikastetxetako DBH-ko 2. mailako 3.000 ikasle inguruk hartu dute parte. Finala maiatzaren 11n izan zen, hiru hiriburuetan, eta 259 neska-mutil lehiatu ziren. Orain, Olinpiadan puntuaziorik altuena eskuratu duten 12 ikasleek jaso dute dagokien saria. Unax gurasoekin bertaratu zen ekitaldira, baita matematiko irakaslearekin eta tutorearekin ere.
