Azken asteetan, baina, goranzko joera mantendu du, apirilean kopuru hori zazpi bider biderkatu baita. 1.217 ordainketa egin dira Mugipark aplikazioa erabiliz, guztira gauzatutako operazioen %3,16.
TAO makinetan egiten diren eragiketa guztiak mugikorretik egitea ahalbidetzen du aplikazioak. Erabiltzaileek, «erosotasunean eta erraztasunean» irabazten dutela nabarmentzen du udaltzaingoak. «Edozein lekutan egonda ere, urrunetik kudeatu daiteke zerbitzua, autora bertaratu beharrik gabe».
Parkimetroetan burutzen diren tramite guztiak egin daitezke aplikazioan, esaterako, aparkatze denbora luzatu edo egokitu, isunak kudeatu edota frogagiriak eskatu. Ordainketa mugikorraren bitartez eginda, gainera, ibilgailuan ez da ordainagiririk utzi behar, TAO kudeatzaileak matrikularen bitartez egiaztatzen baitu ordainketa. Aplikazioan matrikula ezberdinak sartu daitezke ordainketak egiteko.
Martxoan jarri zen abian Mugipark aplikazioa, TAO aparkalekuetan mugikorrarekin ordaintzeko sistema berria, alegia. Hilabete horretan, 178 operazio gauzatu ziren mugikorra erabiliz.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!