Box.a Arte Elkarteak antolatzen du, eta Tolosaldeko artista eta artisau guztiak azokan parte hartzera gonbidatu ohi dituzte, beren lana ezagutzera emateko. Ilustrazioak, gantxilloa, moda jasangarria edota argazkilaritza bildu dira postu ezberdinetan. Eta beraien artean elkartzea eta ezagutzea ere badu helburu azokak.
Jendearen joan etorria izan da, eta postuz postu ibiltzeaz aparte, txoko ezberdinak antolatu dituzte hizketan egoteko, trago bat hartuz, edota jateko izozkien eta krepeen postu bat jarri dute.
Opari bereziak erosteko aukera eskaintzen du, eta jendea horretara gerturatzen dela adierazi dute antolatzaileek. Eta produktu esklusibo edota bakarrak daude, eta eskuz egindako gauzei balorea ematea nahi dute honelako azoka antolatuta. Azken finean, arteari merezi duen lekua ematea.
Azokari bukaera emateko, jam session batekin emango diote.