Tolosako Babarrun Kofradia, Tolosako Babarrunaren Ekoizleen elkartea, Gure Kaiola elkartea, Tolosako Peio Doyharzabal eta Txemari Esteban sukaldariak, Tolomendi landa garapen elkartea eta udal ordezkariak izan dira ereite ekitaldian.
Ikasle bakoitzari loreontzi bana oparitu zaio Tolosako Babarrunaren alearekin etxera eramateko. Tolosako Babarrunaren Ekoizle elkarteko Xabier Goikoetxeak eman dizkie azalpenak.
Aurretik ikasleek, laugarrenez, udaleko teknikariekin, Tolosako Babarrunaren Kofradiako kideen eta Tolosako Babarrunaren Ekoizleen elkarteko Xabier Goikoetxea, Koldobike Artola eta Mari Karmen Iradiren eskutik, tailer ezberdinak gauzatu dituzte kultur etxean. Babarrunaren atzean dagoen lana eta baserritarren bizipenak ezagutzeko aukera izan dute, eta besteak beste, Tolosako Babarruna probatzeko aukera izan dute Roberto Ruiz sukaldariak prestatuta.