2019/06/12 18:30
Kultur eskaintzari begirada Tolosaldeko gazteen ikuspuntutik
2018ko neguan Tolosaldeko 16 eta 18 urte arteko gazteen kultur kontsumo ohituren inguruko ikerketa egin du Galtzaundi Euskara Taldeak. Ikerketa hori eskualdeko batxilergoko eta lanbide heziketako ikasleekin gauzatu da eta kultur eskaintzari eta kontsumoari buruzko datu esanguratsuak atera dira bertan. Horiei buruz hitz egiteko, mahai ingurua antolatu da ekainaren 12an, Tolosako Kultur Etxean. Bertan, Herrikide, Laskorain eta Orixe ikastetxeetako batxilergoko ikasleek beren ikuspuntua azalduko dute ikerketak emandako emaitzen inguruan. Mahai ingurua Josu Artutxa eta Iñigo Otaegi kazetariek gidatuko dute.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!