Lehenengo partida A taldeko jubenilen finalerdia izango da: Larrazabal (Amurrio) eta Gutierrez (San Cosme), nor baino nor. Bigarren partidan etorkizunekoen B taldeko finalerdia, Ruiz de Larramendiren (Lapke) eta Julen Alberdiren (Gazte Leku) artean. Hirugarrenean, etorkizunekoen A taldeko final-laurdena Zabalaren (Zazpi Iturri) eta Aristiren (Getaria) artean. Laugarren partidan elite mailako A taldeko finalerdia, Espinalek (Huarte) eta Larenak (Najerino) jokatuko dute.
Aurreko jardunaldian hiru partida jokatu zituzten. Jubeniletan Larrazabalek (Amurrio) egin zuen aurrera, 22-18 irabaziz Larrañagari (Lapke). Bi pilotariek bikain jokatu zuten, tanto ederrak eginez. Jubeniletan ere, Salaberriak (Hernani) 6-22 galdu zuen Jorge Fernandezen (San Juan) aurka. Errioxarra gehiago izan zen, eta pilota oso azkar eta ondo mugitu zuen. Elite mailan, Espinalek (Huarte) 22-15 irabazi zion Matari (Oberena). Hasieran aurretik jarri zen Mata, baina, bederatzi tantotara berdindu ondoren, Espinalek freskotasuna erakutsi zuen tantoak amaitzerakoan.
Lau eta erdiko San Joan Txapelketaren bosgarren jardunaldia jokatuko dute, bihar, Tolosako Beotibar frontoian, 10:30etik hasita. Lau partida jokatuko dituzte, eta horietatik hiru finalerdiak dira.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!