Euskal Eskola Publikoaren 28. festa ospatu genuen joan den igandean, Errenterian, Makina bat taupada goiburuarekin. Espero zen bezala, milaka lagun bildu ziren festa gunera, herri eskola euskalduna, inklusiboa, aldarrikatzailea, berritzailea, parte hartzailea eta beste ezaugarri asko dituen Euskal Eskola Publikoa omentzeko.
Gogoetarako eguna izateaz harago, igandekoa festa eguna izan zen, eta handiek eta txikiek gozatu ederra hartu zuten hango puzgarriekin, pailazoekin, kontzertuekin, txotxongiloekin, Dj-ekin, tailerrekin eta beste entretenimenduekin. Errenteriako herria Euskal Eskola publikoko gurasoz, ikaslez eta irakaslez bete zen, urteroko zita honetara hutsik egin gabe elkartu baitziren denak; hezkuntza-sare bat, gure seme-alaben heziketan zer esan handia duena, kalera ateratzeko.
Datorren urtean Bastidaren txanda izango da; Koldokide IGEren eskutik lekukoa hartu zuen eta, ez dugu zalantzarik egiten, aurtengo giro aparta errepikatuko dela datorren urtean ere, Arabako herrian.
![[BABESTUTAKO EDUKIA] Euskal Eskola Publikoaren festak arrakasta handia izan du](https://ataria.tok-md.com/argazkiak/YWs/a025_f03.jpg)
Errenteriako festa egun arrakastatsuaren ondotik, 2020ko Euskal Eskola Publikoaren jaia Bastidak hartuko du.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!