Bisigu menua dastatzeko aukera egon da Zerkausian antolatu duten Bisigu eta Sagardoaren festan. Bazkaldu aurretik sagardoa edatea erabaki duenik ere egon da. Horiek aukeran izan dituzte eskualdeko zortzi sagardotegitako sagardoak. Hain zuzen ere, Goikoetxea (Lizartza), Zabala (Aduna), Aburuza (Aduna), Sarasola (Asteasu), Isastegi (Tolosa), Eguzkitza (Tolosa), Begiristain (Ikaztegieta) eta Zalbide (Abaltzisketa) sagardotegietako sagardoa egon da bertan. Behin egarria aseta, Orio estilora prestatutako bisigu menua jan dute, Katxina eta Xixario erretegietako parrilariek prestatuta.
Bisigua jateko nahiz sagardoa edateko aukera eduki dute Zerkausiara hurbildu direnek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!