Bizi-bizi iritsi dira VI. Abraham Olano zikloturista martxako lehen txirrindulariak. Atzetik zetozen beste 450ek ere martxa ederra ekarri dute. Eguraldia lagun, 450 txirrindulari baino gehiago elkartu dira goizeko 8:00etarako Usabalen. Ibilbidea amaitu ere bertan egin dute. Oriako txirrindulari eskolak antolatuta, itzuli luzea eta motza izan dituzte aukeran. Lehenengoa 157 kilometrokoa izan da eta bigarrena 94 kilometrokoa.
Besteak beste, Asteasutik, Zarautzetik eta Bidanitik igarota heldu dira parte hartzaileak Usabalera. Ibilbide luzea egin behar zutenenek, ordea, jarraitu egin behar izan dute. Horiek Leabururantz jo dute eta Leitza, Betelu nahiz Lizartza igarota, berriro Usabalera itzuli dira.