Ibilbide motzak ondorengo bidea du: Tolosa, Villabona, Asteasu, Andazarrateko gaina, Zarautz, Getaria, Garateko gaina, Meagas, Aizarna, Etumetako gaina, Errezil, Bidaniako gaina, Bidania-Goiatz, Albiztur eta Tolosa. Ibilbide luzea egin nahi dutenek aurrera jarraituko dute, ondorego bidea eginez: Leaburu, Belauntza, Ibarra, Berrobi, Berastegi, Leitza, Uitziko gaina, Lekunberri, Azpirotz Gaina, Betelu, Lizartza eta Tolosa.
Oriako Txirrindulari Eskolak antolatzen du martxa, eta Aitor Aiertza bertako lehendakariak gogora ekarri duenez, «ez da lehiaketa bat, eta ez da sailkapenik egiten. Ertzaintza egoten da lasterketa kontrolatzen, bai aurrean eta bai atzean, eta errepideko arau guztiak errespetatu egin behar dira». Ibilbide luzearen kilometro kopurua mozteak inoiz izan den parte hartze handiena eragin duela uste du Aiertzak. Abraham Olano bera ez da izango, Gabonen baitago, hango txirrindulari selekzioaren hautatzaile moduan, baina izen ezagunak egongo dira irteera puntuan: Haimar Zubeldia txirrindulari ohia eta Xabi Fernandez nabigatzaile ibartarra.
Tolosako Usabal kiroldegiaren aurrealdetik izango du irteera, VI. Abraham Olano Zikloturista Martxak. Igande honetan da hitzordua, 08:00etan. Guztira 450 txirrindulari inguru daude izena emanda parte hartzeko, orain arteko kopuru handiena, eta bi ibilbide izango dituzte aukeran: luzea, 157 kilometrokoa, eta motza, 94 kilometrokoa.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!