Afaldu ostean sari banaketa egin zuten, eta bertan klubeko talde bakoitzeko jokalari bat saritua izan zen: preferente nesketan, Leire Camaron; erregional mutiletan, Asier Alustiza; jubenil mutiletan, Gari Sagastibeltza; kadete mutiletan, Iker Murua; infantil mutiletan, Alex Maiza eta Iker Ropero; eta infantil nesketan, Nagore Balda.
Beste bi sari berezi ere banatu zituzten. Horietako bat, Garaialde Iturgintzari, hainbat urtetan denboraldi amaierako opariak eman dituenari eta jadanik jubilatu denari. Bestea Paula Del Pozori, Intxurreko jokalari ohia eta gaur egun krosean eta triatloietan egiten ari den ibilbidea goraipatuz. Larunbatean ere, preferente mailako neskek koparen finalerdia izan zuten, eta 3-1 galdu zuten.
Aurreko larunbatean denboraldi amaierako afaria egin zuten Intxurre futbol klubeko kideek Alegiako herriko plazan.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!