Alvaro Limousinen San Juan Sua Dantzan kartelak iragarriko ditu 2019ko San Joan jaiak. Hilaren 26ean amaitu zen bozkatzeko epea eta emaitzen arabera tolosarraren lana izan da aukeratua. Bordon-dantzariak ditu protagonista. Oso pozik agertu da Limousin, diseinu grafiko ikasketak egiten hasi berria: "Jaietako argazki ezberdinak ikusiz sortu zitzaidan ideia, eta dantzariak sanjoanen ikur gisa irudikatzeko hautua egin nuen". Ilusio handiz landutako proiektua izan dela adierazi du Olatz Peon Ormazabal alkatearen eskutik saria jasotzeko unean. Hain zuzen, 500 euroko saria eskuratu du.
Orotara 26 lan aurkeztu dira aurten lehiaketara, iaz baino 9 gehiago, eta horietatik seik lortu zuten Lara Mendizabal, Eider Epelde eta Jon Gaztañagak osatutako epaimahaiaren galbahea pasatzea. Ondoren bozketa irekia egin zen, aurten estreinakoz internet bidez soilik, eta 733 boto jaso dira, Horietatik %56.75 emakumezkoenak, eta %43,25 gizonezkoenak. 306k Alvaro Limousinen lana lehenetsi dute. Honela banatu dira botoak:
|
Lanak |
Botoak guztira |
|
San Juan Sua Dantzan |
306 |
|
Sutako eta Jaiko gaua |
231 |
|
Zuk Su |
135 |
|
San Joanak 2019 Tolosa |
29 |
|
Jolgorio |
25 |
|
En Llamas |
7 |
|
Guztira botoak |
733 |
