Aurreko larunbatean,maiatzak 25, Mutiloan amaitu zen aurtengo Goierriko Bola Txapelketa. Zazpi jardunaldiz osatutako txapelketa da eta aurtengo txapelduna Patxi Arrondo tolosarra izan da. Azken jardunaldira bi birlako aldearekin iritsi zen Arrondo. Mutiloan, bigarrengoarekiko abantaila horri eutsi eta txapela irabaztea lortu zuen.
Zazpi lehen sailkatuek saski bana jaso zuten ondorengo herrien opari: Zerain, Idiazabal, Olaberria, Legazpi, Segura, Gabiria eta Mutiloa. Ondoren, Mutiloako ostatuan afari eder batekin amaiera eman zitzaion txapelketari.