Flavio Bánterla: pop mistiko esperientzia

Musikari italiarra Eramus bekaren bitartez iritsi zen Gipuzkoara, eta Tolosan bizi da gaur egun. Bakarka osatutako lehen estudioko lana du Mystic pop, eta bilaketa estetiko eta pertsonala izan da lana.

Meditazio praktiketatik sortutako kantuak izaki, ohiko oholtzez gain, leku sakratuak eta isiltasun espazioak baliatu ditu kontzertuak eskaintzeko. Horrela, Tolosakoa horietako bat izango da: yoga, meditazioa eta musika nahasteko bide bat.