Bihar izango da txapelketaren hirugarren jardunaldia, Beotibar pilotalekuan, 11:00etan hasita. Jubeniletan Zubeldia (Intxurre) eta Goikoetxea (Tolosa) ariko dira, une onean dauden bi pilotari. Maila berean, Altuna (Aurrera-Tolosa) eta Unai Alberdi (Ilunpe) aurrez aurre. Tolosarrak maila horretako pilotari onenetarikoa izango du aurkari. Etorkizunekoetan, Ruiz de Larramendik (Lapke) aurkari zaila izango du aurrean: Murua (Bergara), bere mailako pilotari onenetarikoa.
Espinalek, Arribillagak eta Altunak, pauso bat aurrera San Joan Txapelketan
2019ko maiatzaren 24a
Lau eta erdiko Tolosako San Joan Pilota Txapelketaren bigarren jardunaldian, jubeniletan Altunak (Aurrera-Tolosa) 22-13 irabazi zion Senarri (Lapke). Etorkizunekoetan, Arribillagak (Ardoi) 22-13 irabazi zion Osari (Gazte Leku). Eta, elite mailan, Espinal (Huarte) 22-12 gailendu zen Prietoren (Danok Bat) aurka.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?
EGIN ATARIKIDE!