Zazpi ikastetxe izan dira buru-belarri lanean aritu direnak: Samaniego, Orixe, Tolosaldea Lanbide Heziketa Institutua, Laskorain, Herrikide, Inmakulada ikastetxea eta Peñascal zentroa. Guztira 4.700 ikaslek hartu dute parte. Ikasleek udalari hainbat proposamen egin dizkiote, eta beraiek ere lurzoruaren egoera hobetzeko hainbat konpromiso hartu dituzte. Badira 17 urte Tolosan Eskola Agenda 21 abian jarri zenetik. 2003. urtean ekin zioten proiektuari eta, ordutik, Tolosako Ingurumen Zentroak (TIZ) koordinatzen duen egitasmo horren bitartez, garapen jasangarriarekiko konpromisoak ikastetxeetara hurbiltzea lortu dute.
Tolosako ikastetxeek Eskola Agenda 21 egitasmoko udal-foroan Lurzorua gaitzat izan duten ikasturteko lanaren emaitzak aurkeztu dituzte, Tolosako udaletxean.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!